Durante o último mes, os traballos de restauración desenvolvidos polo proxecto LIFE INSULAR en Lurgabrack Nature Reserve (Irlanda) avanzaron a moi bo ritmo. As actuacións lévanse a cabo na Zona Especial de Conservación (ZEC) Horn Head e Rinclevan e consisten na eliminación de plantacións forestais senescentes e a retirada de árbores invasoras illadas.
A intervención permite reducir a presenza de 10 hectáreas de formacións arbóreas que ocupan antigas superficies dunares e favorecer a recuperación do hábitat prioritario 2130*, correspondente ás dunas costeiras fixas con vexetación herbácea.
En consecuencia, contribúese á recuperación dos ecosistemas dunares e á mellora da biodiversidade deste espazo da Rede Natura 2000.
