O Parque Nacional das Illas Atlánticas de Galicia publicou un video divulgativo, destinado ao público infantil, sobre a importancia para a conservación que teñen os nosos ecosistemas mariños. Deste xeito, a audiencia infantil poderá coñecer de primeira man o importante papel que xoga o medio mariño na conservación da natureza, e a relevancia dos ecosistemas insulares como reservorios da nosa biodiversidade.
