Entre os días 16 e 18 de setembro, o IBADER asistiu á Conferencia da Rede de Dunas e Coídos (Sand Dune and Shingle Network), organizada pola Liverpool Hope University, para presentar os resultados preliminares e as primeiras leccións aprendidas na eliminación de plantacións forestais senescentes para favorecer a restauración de hábitats insulares, na Illa de San Martiño (Galicia). Este enclave serve como un caso de estudo idóneo para a demostración da aplicación de boas prácticas na eliminación de especies invasoras arboladas sobre áreas de gran fraxilidade. A audiencia recoñeceu a gran labor que o equipo de LIFE INSULAR está a desenvolver nos arquipélagos galegos.
A conferencia foi complementada por una visita de campo á costa Norte da Península de Wirral. Con motivo desta visita puxéronse en común distintos aspectos da xestión costeira e a conservación dos ecosistemas naturais fronte ás previsións do cambio climático e a preservación da biodiversidade mariña e litoral.
