O Parque Nacional das Illas Atlánticas de Galicia está a replicar a metodoloxía levada a cabo por LIFE INSULAR no tocante á eliminación de especies invasoras de flora que causan una merma significativa sobre o estado de conservación dos hábitats naturais. Deste xeito, mediante un proxecto financiado pola Rede de Parques Nacionais, estase a realizar a eliminación de Crocosmia x crocosmiiflora, una especie de recente aparición no Parque Nacional, dos ecosistemas naturais mediante a súa eliminación manual con pequeñas ferramentas portátiles, sen empegar herbicidas tendo en conta a fraxilidade dos medios insulares que desaconsellan o seu emprego. Con este proxecto, estase a fomentar a complementariedade do programa LIFE con outros fondos a nivel nacional, así como incrementar o impacto da eliminación de invasoras levada a cabo por LIFE INSULAR fomentando o seu potencial catalítico mediante a aplicación dos seus métodos noutros territorios ou contextos.
