Os pasados 20, 21 e 22 de xuño, LIFE INSULAR (LIFE20 NAT/ES/001007) recibiu unha visita técnica para a replicación dos principais resultados desenvolvidos no sistema ecolóxico das dunas de Amsterdam (Países Baixos), as cales foron obxecto do proxecto LIFE Amsterdam Dune Project (LIFE11 NAT/NL/000776). A visita foi realizada por membros do IBADER (por parte de LIFE INSULAR), e de Waternet (por parte do LIFE Amsterdam Dune Project), ambos os dous coordinadores de cadanseu proxecto LIFE.
Waternet é unha empresa pública neerlandesa responsable de servizos relacionados coa auga. Entre as súas principais responsabilidades, atópase a xestión das dunas de Amsterdam, un espazo natural de 3.400 ha, que forma parte da Rede Natura 2000 dos Países Baixos, e que é a fonte principal de abastecemento de auga potable para a cidade de Amsterdam e os seus arredores.
A visita permitiu transmitir as solucións adoptadas e as leccións aprendidas polo proxecto LIFE INSULAR, así como comparar as estratexias desenvolvidas por ambos os dous proxectos e chegar a un punto de acordo común: a loita firme e decidida contra as especies invasoras, e o rexeitamento do emprego de herbicidas na loita con invasoras en áreas cunha elevada fraxilidade pola vulnerabilidade dos valores naturais albergados, especialmente cando se trata de tipos de hábitats naturais ou seminaturais de humidais.
