Os pasados 15, 16 e 17 de xaneiro celebrouse no Parador de Mazagón (Huelva) o XXIV Seminario de Xenética de Poboacións e Evolución, organizado pola SEG (Sociedade Española de Xenética) e a Universidade Pablo Olavide de Sevilla. Este evento serviu para poñer en común os resultados máis recentes das diferentes liñas de investigación desenvolvidas no eido da xenética a nivel ibérico.
LIFE INSULAR presentou os resultados da diversidade xenética e relacións de parentesco das especies insulares analizadas polo proxecto na Península Ibérica. A audiencia puido coñecer de primeira man as conclusións máis salientables do proxecto, e a proposta de medidas de xestión e conservación destas especies.
