Os pasados 7 e 20 de novembro, tivo lugar mediante videochamada a sexta quenda das reunións de coordinación de LIFE INSULAR entre o coordinador (IBADER-USC), os socios españois (DXPN, OAPN, TRAGSA) e irlandeses (NPWS, COILLTE) do proxecto.
As reunións permitiron dar conta do progreso das accións de conservación nas localidades irlandesas e españolas do proxecto, dos resultados da análise xenética e da produción de planta de especies insulares para restauración, da disposición do merchandising, a realización das accións de seguimento socioeconómico e dos servizos ecosistémicos do proxecto, e a previsión futura de cara a 2025.
