As equipas de TRAGSA continúan cos traballos de conservación para a preparación do terreo e eliminación de plantacións forestais senescentes e rexenerado invasor na Illa de San Martiño (arquipélago de Cíes), con motivo do inicio das accións C3 e C4. Na actualidade lévanse apeadas 9 ha de plantacións, necesario para a restauración posterior dos hábitats insulares obxectivo.
Este pasado xoves, 12 de setembro, membros do coordinador IBADER, e do beneficiario Dirección Xeral de Patrimonio Natural, puideron dar boa conta do progreso dos traballos sobre o terreo. Estes traballos constitúen un elevado reto pola difícil orografía deste territorio, así como pola inherente fraxilidade dos medios insulares
A elevada experiencia de TRAGSA en traballos de conservación no medio costeiro resulta un valioso activo para o proxecto, permitindo realizar a actuación de xeito preferentemente manual, con precisión case cirúrxica, gardando todas as cautelas necesarios, sen afectar aos elementos clave para a conservación.
