O IBADER da Universidade de Santiago de Compostela, na súa condición de beneficiario coordinador do proxecto LIFE INSULAR, asistiu o 24 de xullo, ao workshop do proxecto LIFE Adaptablues, que tivo lugar nas instalacións do Instituto de Hidráulica Ambiental de Cantabria (Santander).
Este evento foi de gran importancia para o equipo de LIFE INSULAR, xa que puido coñecer de primeira man os casos de estudio desenvolvidos noutros proxectos LIFE sobre adaptación ao cambio climático, e os resultados da aplicación de solucións baseadas na natureza (SbN). Ao mesmo tempo, LIFE INSULAR puido transferirlle á audiencia as leccións aprendidas na restauración de hábitats insulares vulnerables ao cambio climático.
O amplo know-how xenerado por todos estes proxectos permitiu a captación e absorción dos seus resultados por LIFE INSULAR, que poderán ser implementados e replicados durante as accións deste nos espazos Natura 2000 insulares de España e Irlanda obxecto do proxecto.
